Og‘ir darajadagi bosh miya jarohatlarida medikamentoz terapiya samarasizligida dekompressiv trepanatsiyaning o‘rni va samaradorlik mezonlari

Og‘ir darajadagi bosh miya jarohatlari zamonaviy neyroxirurgiya va neyroreanimatologiyaning dolzarb muammolaridan biri bo‘lib, yuqori o‘lim ko‘rsatkichi va og‘ir nevrologik asoratlar bilan kechishi mumkin. Bosh miya jarohatida birlamchi mexanik shikastlanish bilan bir qatorda, ikkilamchi miya shikastlanishi, xususan, miya shishi, intrakranial bosimning oshishi, miya perfuziyasining pasayishi va miya dislokatsiyasi muhim patogenetik ahamiyatga ega. Zamonaviy intensiv terapiya usullari yordamida intrakranial gipertenziyani nazorat qilishga qaramay, ayrim bemorlarda medikamentoz davolash yetarli samara bermaydi va refrakter intrakranial gipertenziya rivojlanadi. Bunday holatlarda dekompressiv trepanatsiya, ya’ni dekompressiv kraniektomiya, hayotiy muhim davolash usullaridan biri sifatida ko‘rib chiqiladi.