Zenodo
БОЛАЛАРДА IGA-ВАСКУЛИТ РИВОЖЛАНИШИДА NOS1 G-84A ПОЛИМОРФИЗМИНИНГ ЭҲТИМОЛИЙ АҲАМИЯТИ
By Azizbek Kholmirzaevich Jakhonov, Gulnora Jahongir qizi Abdukayumova and Mahliyo Khurshidovna Berdiqobilova.
Abstract
Долзарблиги. IgA-васкулит (IgA vasculitis, IgAV) болаларда энг кўп учрайдиган тизимли майда томирлар васкулитларидан бири бўлиб, асосан тери, бўғимлар, меъда-ичак тизими ва буйракларни зарарлайди. Касаллик патогенезида иммун комплексларнинг шаклланиши ва томир деворида IgA1-доминант депозитларнинг тўпланиши билан бир қаторда эндотелиал дисфункция ҳам муҳим аҳамиятга эга. Сўнгги йилларда азот оксиди (NO) тизимининг томир гомеостазини сақлашдаги ролига катта эътибор қаратилмоқда. NO синтезида иштирок этувчи ферментлардан бири — нейронал азот оксиди синтазаси (nNOS), уни кодловчи NOS1 гени ҳисобланади. NOS1 асосан нерв тизими билан боғлиқ деб қаралса-да, унинг томир девори ва эндотелиал функциядаги роли ҳам тобора кўпроқ ўрганилмоқда. Мақсад. Болаларда IgA-васкулит патогенезида эндотелиал дисфункция ва NO тизимининг ўрнини таҳлил қилиш ҳамда NOS1 G-84A полиморфизмининг касаллик ривожланиши ва клиник фенотипи билан эҳтимолий боғлиқлигини илмий адабиётлар асосида баҳолаш.
